Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 83-1} perum tiru nilaiiya vīṅku cōṟṟu akal maṉai
• {KALI 83-2} poruntu nōṉ katavu oṟṟi pulampi yām ulamara
• {KALI 83-3} iḷaiyavar taḻūu āṭum ekkar vāy viyaṉ teruviṉ
• {KALI 83-4} viḷaiyāṭṭi koṇṭu varaṟku eṉa ceṉṟāy
• {KALI 83-5} uḷaivu ilai ūṭṭaleṉ tīm pāl perukum aḷavu ellām
• {KALI 83-6} nīṭṭitta kāraṇam eṉ
• {KALI 83-7} kēṭṭī
• {KALI 83-8} peru maṭal peṇṇai piṇar tōṭṭu paim kurumpai
• {KALI 83-9} kuṭa vāy koṭi piṉṉal vāṅki taḷarum
• {KALI 83-10} peru maṇi tiṇ tēr kuṟumakkaḷ nāppaṇ
• {KALI 83-11} akal nakar mīḷtaruvāṉ āka puri ñekiḻpu
• {KALI 83-12} nīla nirai pōtu uṟu kāṟku ulaivaṉa pōl
• {KALI 83-13} cālakattu olkiya kaṇṇar uyar cīrtti
• {KALI 83-14} āl amar celvaṉ aṇi cāl makaṉ viḻā
• {KALI 83-15} kālkōḷ eṉṟu ūkki katumeṉa nōkki
• {KALI 83-16} tiruntu aṭi nūpuram ārppa iyali viruppiṉāl
• {KALI 83-17} kaṇ um nutal um kavuḷ um kavaviyārkku
• {KALI 83-18} oṇmai etiriya am kai um taṇ eṉa
• {KALI 83-19} ceyvaṉa ciṟappiṉ ciṟappu ceytu i irā
• {KALI 83-20} emmoṭu cērntu ceṉṟīvā āl cemmāl
• {KALI 83-21} nalam putitu uṇṭu uḷḷā nāṇ ili ceyta
• {KALI 83-22} pulampu elām tīrkkuvēm maṉ eṉṟu iraṅkupu
• {KALI 83-23} vēṟṟu āṉā tāyar etirkoḷḷa māṟṟāta
• {KALI 83-24} kaḷvaṉāl taṅkiyatu allāl katiyāti
• {KALI 83-25} oḷ iḻāy yāṉ tītu ilēṉ
• {KALI 83-26} eḷḷalāṉ am mel paṇai tōḷ numar vēynta kaṇṇiyōṭu
• {KALI 83-27} em il varuti ō ellā nī taṉ mey kaṇ
• {KALI 83-28} am tīm col nallār aṇinta kalam kāṭṭi
• {KALI 83-29} muntai iruntu makaṉ ceyta nōy talai
• {KALI 83-30} venta puṇ vēl eṟintaṟṟu āl vaṭuvoṭu
• {KALI 83-31} tantai um vantu nilai